«Verket som er tildelt debutantprisen er kanskje ikkje det som roper høgst, men som elegant og poetisk klarar å samanfatte fleire tematiske tendensar i Høstutstillingen i år. Dei to skulpturane består av notatbøker, kart, foto – personleg arkivmateriale frå kunstnaren sin eigen bestefar – og restar frå demningar frå vasskraftverk på Vestlandet, som vert pressa saman av tvinger. Denne nærast brutale handlinga held, både fysisk og metaforisk, saman ei rekke motsetningsforhold. Det harde og det sarte, det subjektive og det objektive og ikkje minst kultur og natur», heter det i juryens begrunnelse.
«Kunstnaren har teke utgangspunkt i forholdet til sin eigen familie og brukar dette til å stille spørsmål ved historia, korleis me både forstår og nyttar naturen, og pirkar samstundes i vår eiga nasjonalkjensle. I Unstable Monuments 1 og The Gravity of a Lake Focused Into One Point 2 vert me – bokstaveleg talt – tvinga til å tenke kultur og natur saman».
– Eg kjenner allereie at prisen har gjeve meg styrka sjølvtillit, det er med på å styrke ei retning som har eg lyst til å halde fram med. Det vert ei stadfesting på at det eg gjer også har interesse for andre. Eg får lyst til å arbeide vidare med skulpturar og familiehistorie, dette er tematikk som har potensial til å resonnere i eit større rom, det handlar om forgjengelegdom og dødelegheit, og familierelasjonar som kan vere både fine og vanskelege, sier Berge.
